Some thoughts on Money - پۇل ھەققىدە ئويلىغانلىرىم

پۇل ھەققىدە ئويلىغانلىرىم

مەن دائىم مۇشۇ مەسىلە ئۈستىدە ئويلايدىغان بولۇپ قالدىم.... گەپ ئېچىشتىن بۇرۇن تۆۋەندىكى پارچىلارنى سىلەر بىلەن ئورتاقلىشاي:

1- پارچە:

- ئۇكام بۇ يەرگە چىققىلى قانچە ئۇزۇن بولدى ئۇكا؟
- 5 يىل بولۇپ قالدى.. ماگىستىرلىقنى تاماملاپ بولدۇم، ھازىر دوكتورلىقتا ئوقۇۋاتىمەن..
- ھە مۇنداق دەڭ،،،، بىرەر ئىشنىڭ بېشىنى تۇتالماپسىز دە...
-نىمە دىگىنىڭىز بۇ ئاكا؟؟؟
- ئوقۇپ بۇل بولمىسا بىكار.... ھازىر پۇل بولمىسا بولمايدۇ... پۇل بولمىسا خىزمەتمۇ تاپقىلى بولمايدۇ... 5 يىل جەريانىدا سودا قىلسىڭىز بولمامدۇ؟؟
-شۇنداق پۇل بولمىسىمۇ بولمايدۇ.... ئەمما ئوقۇشنى ئارتۇق كۆردۈم. ئاۋال ئوقۇۋالاي... پۇل دىگننى كېيىن تېپىۋالارمەن...
- قويۇڭا ئۇكام،، ھازىر تاپالمىغان پۇلنى قاچان تاپىسىز؟ يېشىڭزمۇ 30 غا كىرىپ قاپتۇ...
- ئاكا، پۇل تېپىشىنى مەقسەت قىلغان بولسام، بۇنچە جاپا تارتىپ ئوقۇمىسام بولاتتى... ھازىرمۇ ئىقتىساددتىن قىيلىنىپ قالمىدىم... ئۇقۇش مۇكاپات پۇلۇم بار... ئاللاغا شۈكرى..
- چوڭ داچىلاردا ئولتۇرغىڭىز كېلىدىغاندۇ ؟ چوك ماشىنلارنى ھەيدىگىڭىز كېلىدىغاندۇ ؟ ھەممىگە پۇل لازىم ئۇكام...

2 - پارچە:

دادىسى سورىدى:
- نىمە كەسىپ ئوقۇۋاتىسىز قىزىم؟
قىزى جاۋاب بەردى:
- مەن مائارىپ باشقۇرۇش ماگىستىرلىقىدا ئوقۇۋاتىمەن. دادا..
- نىمە ؟ نەدىكى مائارىپنى باشقۇراتتىڭىز؟ بۇ كەسىپ بولمايدىكەن . بۇ كەسىپ بىلەن پۇل تاپقىلى بولمايدۇ ،، كەسىپنى ئۆزگەرتىڭ،، ئىگىلىك باشقۇرۇش ياكى سودا-سانائەت باشقۇرۇش پۇل تاپقىلى بولىدىغان ياخشى كەسىپلەر...
- مەن بۇ كەسىپنى ياخشى ياخشى كۆرىمەن،دادا،، مۇشۇ كەسپنى ئۇقۇغۇم بار...
دادىسى قولىنى ھەركىتى بىلەن،، پۇل بولمىسا بولمايدۇ،،، مېنىڭ كەينىمدە قالسىڭىز، مېنىڭ ئىگىلىكىمنى باشقۇرارسىز ..
قىز جاۋابسىز قالدى..

3- پارچە :

ئەنگىلىيەدە ماگىستىرلىق ۋە دوكتۇرلۇقنى تاماملىغان، ئاۋىستىرالىيەدە ئۇزۇن يىللار ئوقۇتقۇچىلىق قىلغان بىر ئۇقۇتقۇچى ئاۋالقى مەۋسۈمدە بىزگە دەرس بەردى.(ئەسلى دۆلىتى - بېنگال) .. بېشىدىن ئۆتكەن ئىسسىق - سوغاقلارنى بىز بىلەن داۋاملىق ئورتاقلىشىپ تۇراتتى... بىر كۈنى ئۇ مەكتەپ پۈتتۈرگەن ۋاقىتتىكى بىر ۋەقەنى بىز بىلەن ئورتاقلاشتى:
- ساۋاقاشلار سىلەر بىلەمسىلەر؟ ئوقۇغۇچى دىگەن نامرات كېلىدۇ.. ئوقۇغۇچىدا نەدىكىمۇ زىيادە پۇل بولسۇن.... مەن دوكتۇرلۇقنى تاماملىغان ۋاقتىمدا، سىناققا دۇچ كەلدىم،،،، ئەگەر ئۆزەمنىڭ بەختىنى دىسەم دۆلىتىمگە قايتسام بولاتتى،،، دۆلىتىمدە پادىشاھدەك ياشايتتىم،، نوبىل مۇكاپاتىغا ئېرىشكەن مۇھەەمەد يۈنۈس، مالىيە مىنىستىرلىگىنىڭ مىنىستىرى مېنىڭ ساۋاقداشلىرىم بولىدۇ... لېكىن بالىلىرىمنى ئويلاپ، ئۇلارغا ياخشى مائارىپ تەربىيسى بېرىشنى ئويلىسام، غەرب دۆلىتىدە بىرەر خىزمەت بولسىمۇ تېپىپ ئىشلىسەم بولاتتى... ئەڭ ئاخىرىدا، بالىلىرىمنى بەختى ئۈچۈن، غەرب دۆلىتىدە قېلىشنى خالىدىم،،،، يىتەكچى ئوقۇتقۇچىمنىڭ ئىشخانىسىغا باردىم،،، يۇرتۇمغا قايتقۇدەك پۇل يوقلىقىنى، ھىچ بولمىغاندا ياردەمچى ئۇقۇتقۇچىلىققا ئېلىپ قېلىشىنى ئۆتۈندۈم... يىتەكچى ئۇقۇتقۇچۇم فاكولـتىت مۇدىرىدىن سورپ بېقىپ جاۋاپ بېرىشنى ئېيتتى،، دەل مۇشۇ پەيتتە فاكولـتىت مۇدىرى ئۈستىدىن چۈشۈپ كەلدى،،، يىتەكچى ئۇقۇتقۇچۇم مېنىڭ ياردەمچى ئوقۇتقۇچى بولۇپ قېلىش ئارزويۇم بارلىقىنى فاكولـتىت مۇدىرىغا بىلدۈردى.... ئۇ ناھايىتى سۈرلۈك قىياپەتتە، نىمىشقا ئابدۇ بىراقلا ئۇقۇتقۇچىلىققا ئىلتىماس قىلمايدۇ دەپلا چىقىپ كەتتى........ مەن ئۇنىڭ گېپىنى خاتا چۈشۈنىپ قىلىپ ئۇلارنىڭ چەتئەللىكلەرنى يەكلەش ئادىتى بويىچە مۇئامىلە قىلىۋتقان ئوخشايدۇ دەپ قاپتىمەن..... مېنىڭ ئەستايىدىللىقىمنى، ئىلمى ماقالامنىڭ ياخشى چىققانلىقىنى ھەر ئىككىسى بىلەتتى.. شۇنداق قىلىپ ئوقۇتقۇچى بولۇپ ئىشلەپ قالدىم.. كېيىنلىكتە ئاۋستىرالىيەگە ئورۇنلاشتىم....
ساۋاقداشلار ئىسىڭلاردا بولسۇن، سىلەردە تىرىشچانلىق + رىقابەتنى سۆيىدىغان روھ + رىغبەت بولۇشى لازىم،،، رىغبەت ئۇستازدىن كېلىدۇ،.. قالغان ئىككىسى ئۆزۈڭلاردىن كېلىدۇ...... مەن ھازىرمۇ ھەپتىدە 70-80 سائەت خىزمەت قىلىمەن.....

مانا بۇ يېشى 70 تىن ھالقىغان بىر ئۇستازنىڭ سۆزى...

4-پارچە:

- ئۇكام مېنىڭ 7 مىڭ مو يەردە يېرىم بار، نەچچە مىڭ قويۇم بار،،، ھەەمە ئىشنى باشقىلار قىلىدۇ.. يىلدا نەچچە مىليون كىرىمىم بار...
ئۇكام، مېنى داڭلىق كىيىم ساتىدىغان يەرگە ئاپىرىڭا... كىيىم ئالاتتىم.......
مەن بىر نەچچە كىيىم ساتىدىغان يەرگە ئاپاردىم.... كىيىملىرى خېلى قىممەت ئىدى....
- ئاكا بۇ دۇكاندا كىيىملەر بەك قىمەت......
باھاسىغا بىر قۇر قاراپ چىققاندىن كېيىن:
--ئۇكام،، بۇ كىيىملەر بەك ئەرزان ئىكەن... مەن بۇ ئىشتاننى 1800 سومغا ئالغان.. بۇ كۆڭلەكنى 1200 سومغا ئالغان.... باشقا يەرگە ئېلىپ كېرىڭ.. بۇ ماركىنى بىزنىڭ يۇرتتا ھىچكىم بىلمەيدۇ...
باشقا بىر دۇكانغا ئېلىپ كىردىم..

- بۇ بولىدىكەن ئۇكام...... بۇ ماركىنى ھەەمە ئادەم تونۇيدۇ......
بىر دەمنىڭ ئىچىدىلا 5500 يۇەنگە 4 دانە مايكىنى ئېلىۋەتتى.... 4-5 مىڭ يۈەن قىممىتىدىكى سائەتتىن 2 نى ئېلىۋەتتى...ئاددى بىر كۆزئەينەكنى 1500 يۈەنگە ئېلىۋەتتى... .. مۇشۇنداق پۇل خەجلەيدىغان ئادەمنىڭ مۇنۇ ئىشىنى كۆرۈڭ:

- ئۇكام... بايا بىزنىڭ يۇرتتىكى بىر ئاغىنەمنىڭ ئوغلىنى كۆردۈم... مۇشۇ دۆلەتتە ئۇقۇيدىكەن،،،، دادىسى بىلەن بەك يېققىن...... مەن چاقىرىپ كېلىپ 200 يۇەن بەردىم.................................................

داۋامىنى ۋاقتىم چىققاندا يازاي...